Fifamoivoizana

Lalamby Anosibe Vehivavy iray nofaohan’ny lamasinina

Fifamoivoizana
Talata 27 Febroary 2018

Vehivavy iray nitaiza kely sahabo ho 35 taona teo ho eo no nofaohan’ny lamasinina tetsy amin’ny lalamby Anosibe, omaly alatsinainy maraina tokony ho tamin’ny 9 ora sy sasany.

Raha araka ny fanazavan’ireo nanatri-maso dia mamo izy ary tsy nahatsiaro tena mihitsy. Nandalo tampoka anefa ilay lamasinina avy any atsimo hihazo ny garan’i Soarano ka rapa tanteraka ny lohany. Tao anatin’ny hirifiriny ity renim-pianakaviana ity vao taitra tamin’ny torimasony. Tsy naninona kosa ilay menaky ny ainy vao 2 taona sy tapany monja fa avotra soa aman-tsara. Efa nentina namonjy ny hopitaly HJRA Ampefiloha avy hatrany izy. Mikasika ilay olona tompon’andraikitra mpitsoka kiririoka eny an-toerana kosa rehefa handalo ny lamasinina dia tsy tazan’ny mponina teny an-toerana izy io omaly maraina.

Pati