Fifamoivoizana

Lalam-pirenena faha-5 Taxi-brousse sy tuk tuk tratra nitondra zaza amam-behivavy

Fifamoivoizana
Zoma 29 Mey 2020

Fiara taxi-brousse sy tuk-tuk, tsy misy mpandeha fa feno entana no mandalo teo amin'ny sakana ara-pahasalamana tany amin’ny lalam-pirenena fahadimy omaly raha hihazo an’i Vavantenina.

Mody entam-be tahaka izao hita amin’ny sary izao no nentin’izy ireo kinanjo feno olona tao anatiny rehefa nosakanan’ny mpitandro ny filaminana tany alohaloha kelin’ilay sakana. Lehilahy sy zaza amam-behivavy, avy any Vavatenina no tao anatiny. Voalaza fa ny sasany tamin’izy ireo dia avy ao Vavantenina ary handeha dia an- tongotra hamakivaky ho any Ambatondrazaka... Nosakanana, naverina, ary natao famotorana izy ireo mba hahafantarana izao firaisana tsikombakomba izao. Ny miaramila moa no anisan’ny niady mafy nahazoana izao vokatra izao. Tsiahivina fa ho fiarovana tsy hiparitahan’ny valan’aretina Covid 19 avokoa no anton’izao fanaraha-maso ny fivezivezen’ny mponina izao.

Pati