Fifamoivoizana

Lalam-pirenena faha-4 Mirongatra ny fanafihan-jiolahy

Fifamoivoizana
Alarobia 12 Aprily 2017

Mirongatra ny tsy fandriampahalemana any amin�iny lalam-pirenena fahefatra mihazo an�i Mahajanga iny.

Fiara Sprinter miisa roa no indray notafihina jiolahy nirongo basy omaly maraina tokony ho tamin’ny 2 ora tany amin’ny kaominina ambanivohitra Anjiajia. Avy eto Antananarivo hihazo ny distrikan’i Marovoay ireo fiara Sprinter roa ireo. Avy hatrany dia tora-bato no nitsenan’ny dahalo ireo fiara. Ilay iray voalohany ny fitaratra be aloha no voa izay niteraka faharatrana mafy ho an’ilay mpamily. Ny fitaratra aoriana kosa ny an’ilay Sprinter faharoa no potika tsy nisy noraisina. Rovitra tsy nisy vokatry ny fiparitahan’ilay fitaratra ny vavan’ilay mpamily izay voatery nozairina enina mihitsy ary nalefa maika eto an-drenivohitra mba hanaraka ny fitsaboana sahaza azy.

Pati