Fifamoivoizana

Kaominina Antananarivo Renivohitra Tsy hisy lalana tapaka rahampitso zoma

Fifamoivoizana
Alakamisy 22 Jona 2017

Niteraka resabe teto an-drenivohitra nanomboka omaly ny fahatapahan-dalana etsy sy eroa, indrindra amin’izao ankatoky ny fetim-pirenena 26 jona izao.

Nitondra fanazavana mifandraika amin’izany omaly Ramatoa Sarah Zoe, tompon’andraikitra eo anivon’ny kaominina Antananarivo Renivohitra ka nambarany fa ny sabotsy 24 jona vao hisy ampahan-dalana ho tapaka eto an-drenivohitra noho ny fisian’ilay hazakazaka lavitr’ezaka “ marathon indépendant” karakarain’ny komity misahana ny fankalazana ny fetim-pirenena 26 jona sy ny minisitera mpiahy. Na hizara harendrina ho an’ny zanaky ny mpiasa sy hanome fanampiana ny sahirana ary hanao karnavaly manoloana ny lapan’ny tanàna sy hitsoka mozika aza mantsy ireo mpiasan’ny kaominina ho fanamarihana ny fetim-pirenena rahampitso zoma 23 jona dia tsy hisy lalana ho tapaka araka ny feo mandeha izany ihany koa. Marihina moa fa efa miomana tanteraka amin’ny fankalazana ny fetim-pirenena 26 Jona ny kaominina ankehitriny. Anisan’ireny ny fandokoana ireo trano manamorona ny arabe, ny fametrahana dabam-pako eny rehetra eny ho fitandroana ny fahadiovana… Mikasika ny Ben’ny tanàna Lalao Ravalomanana manokana dia nambarany fa tsy maintsy ho avy izy ary hankalaza ny fetim-pirenena eto an-tanindrazana miaraka amin’ny vahoaka Malagasy.

Pati