Fifamoivoizana

JMJ MADA 2022 Mpizaika 10 no tra-doza

Fifamoivoizana
Talata 30 Aogositra 2022

Mpizaika miisa 10 hamonjy ilay JMJ andiany fahafolo sahady no tra-doza omaly alatsinainy raha nanainga tany Ambatondrazaka, Faritra Alaotra Mangoro, hiazo an’Antsirabe.

Raha araka ny vaovao azo dia tao Ambohitovolahy Manaka-Ouest no tra-doza ny fiara sprinter nitondra azy ireo. Vaky ny kodiarana avy aoriana , antony nampivadika ilay fiara. Na izany aza tsy nisy ny aina nafoy. Naratra mafy kosa ireo mpizaika miisa 10 ary efa noraisina an-tanana ao amin'ny CHRR Ambatondrazaka.Tsiahivina hatrany moa fa vao tamin’ny Sabotsy teo ihany koa no nisehoana lozam-pifamoivoizana nahatsiravina tao Manakambahiny Andrefana, distrikan’Ambatondrazaka. Mbola manaraka fitsaboana any amin’ny hopitaly ireo naratra.
Nangonin’i Pati
Legende : Ity ilay fiara tra-doza