Fifamoivoizana

Ivandry Mpitondra môtô nifatratra tany ambany fiara 4x4

Fifamoivoizana
Sabotsy 29 Septambra 2018

Mpitondra môtô scooter iray no voatery nosokirina tao ambany fiara 4x4 omaly zoma hariva teny Ivandry.

Raha araka ny fantatra dia vokatry ny tsy fitandremana nataona mpamily fiara karetsaka iray no nahatonga ny loza. Nanala mpandeha tao anatin’ny fitohanana mantsy ity farany ka namoha varavarana avy hatrany. Voadonan’izay tampoka anefa ilay mpamily môtô niray lalana taminy ka nisosa ary tsy nijanona raha tsy tany ambanin’ilay fiara 4x4 . Na izany aza anefa no zava-nitranga dia tsy nijanona ilay mpamily fiara karetsaka fa mbola lasa nanohy ny diany ihany. Tsiahivina moa fa tsy vao sambany no nisy tranga tahaka izao teto an-drenivohitra. Mifanjevo anaty fitohanana hatrany isan-kariva ny môtô sy ny fiara karetsaka ary ny fiaran’olon-tsotra noho ny fahamaikana ka tsy hita intsony izay tena marina. Antso avo no hatao amin’ny tompon’andraikitra mba hijery ny tranga tahaka itony. Avotra soa aman-tsara kosa ilay mpitondra môtô na dia naratra ihany aza.

Pati