Fifamoivoizana

Gare routière MAKI-Andohatapenaka Niboridana ilay vehivavy tsy navela nivarotra

Fifamoivoizana
Alatsinainy 26 Febroary 2018

Tsy azo hivarotana mihitsy etsy amin’ny tobim-piantsonana vaovao Andohatapenaka.

Renim-pianakaviana iray mpivarotra caca pigeon mandehandeha no nihetsika hadalana tampoka rehefa tsy navelan’ireo mpiambina niditra tao amin’ity tobim-piantsonana ity. Nalany avokoa ny akanjony iray manontolo hatramin’ny takon-kenatra ka vaky nandositra hatramin’ny mpiambina. Tsy nijanona teo anefa ny tantara fa mbola notorahany tamin’ny vato ihany koa ireo fiara nivoaka tao amin’ity tobim-piantsonana ity saingy tsy nisy simba. Raha araka ny fanazavan’ireo namany moa dia tsy dia salama saina loatra izy io. Efa hatreny amin’ny Fasan’ny Karana izy no nanao izao fihetsika izao izay karazana fanehoan-kevitra entina hamborahana ny tsy zakany ihany. Rehefa leo ny nijery azy niboridana nanangon’olona sy nivazavaza moa ireo mpiambina tetsy Andohatapenaka dia namela azy niditra tao amin’ilay tobim-piantsonana ihany ka niakanjo moramora izy avy eo.

Pati