Fifamoivoizana

Partagé sur :
• facebook

Mandeha araka ny tokony ho izy ny fanatsarana ny tontolon’ny fiarakaretsaka eto Antananarivo.

Nisy ny fidinana ifotony nataon’ny Ben’ny Tanàna Lalao Ravalomanana sy mpiara-miasa aminy akaiky ary ireo mpamily marobe teny amin’ny OMAVET Nanisana ny talata 31 oktobra teo. Nanamafy ny teo anivon’ny kaominina Antananarivo, fa tsy hanilika “4L sy “2 CV”, fiara tranainy araka ny resaka voizina, fa vao mainka aza hanatsara azy ireo amin’ny alalan’ny fitsirihana sy ny fanambaoarana hiandraketan’ny Orinasa OMAVET eny Nanisana. Tsy hisy ihany koa ny hoe fampidiran’ny CUA fiara vaovao. Sady tsy marina ny filazana hoe ahilikilika izy ireo karazana fiara tranainy, fa miasa daholo aloha, ary hatao izay hahafahana manao ny fikojakojana mba hiarovana ny ain’ny mpandeha sy ny ainareo rahateo ihany koa, hoy ny mpanolontsaina manokana Marc Ravalomanana. Raha ohatra ka misy simba na zavatra kely foana dia mba omena fe-potoana hoe mba hamboary fa ataontsika ny mampandeha azy, hoy hatrany i Marc Ravalomanana. Izaho mihitsy no handray an-tànana ny fomba fampandehanana azy ity miaraka fiarakaretsaka, ary niaraha-nahita fa arifomba daholo ny zava-drehetra, ka hojerena ny “parallelisme”, jireo, ny hisatra,… Raha misy tsy mety dia azo amboarina, ary efa nilaza ny Talen’ny OMAVET fa hanome fihenam-bidy ary raha misy zavatra madinika tsotsotra dia hataony maimaimpoana, hoy ny fampanantenan’I Marc Ravalomanana. Ny paikady rehetra dia mifantoka amin’ny hoe: hatao izay hanamorana sy mba hahazoanareo mpamily fiarakaretsaka izay tombotsoa tokony ho azo, ka hatsangano ny fikambananareo, hoy hatrany i Marc Ravalomanana. Mila hafainganina ny fandraisana ireo fiara tsirairay eny amin’ny OMAVET, izay maimaimpoana hatramin’ny volana desambra, raha ny fangatahan’ny ireo mpamily.

Toky R

Tia Tanindrazana

Samia mijoro ho an'i Gasikara.