Fifamoivoizana

Fitaterana an-drenivohitra Mitabataba ny Taksibe, tsy re feo ny “Taxi ville”

Fifamoivoizana
Alakamisy 09 Aogositra 2018

Nangina tanteraka toy ireny tsy nisy na inona na inona ireny ny eo anivon’ny tontolon’ny fiarakaretsaka na “taxi ville” eto Antananarivo ankehitriny.

Niravona ve ny disadisa nampisavorovoro tamin’ny taon-dasa, indrindra, ny teo amin’ny fikambanan’izy ireo na ny FTAR sy ilay orinasa mpamokatra lanterina “Publimotion” sa nisy fifanarahana manokana tao? Efa foana ve ireo Fiarakaretsaka tsy ara-dalàna sa ahoana? Hatreto aloha dia mbola tsy nisy tomponandraikitra nanazava izany fa raha ny zava-tsikaritr’ireo mpanjifa dia mbola misy ihany ireo fiarakaretsaka izay tsy mahafapo azy ireo ny kalitaony. Etsy ankilany kosa dia hiaraha-mahalala fa miara-mitaky ny fampidinana ny vidin-tsolika amin-dry zareo mpiaro ny zon’ny mpanjifa sy ny hetsiky ny olom-pirenena leo vidim-piainana miakatra ireo taxibe eto an-drenivohitra na UCTU.

J. Mirija