Fifamoivoizana

Fitateram-bahoaka Tsy hitokona indray ny taksibe

Fifamoivoizana
Sabotsy 01 Septambra 2018

Efa samy niasa saina mafy avokoa ny rehetra manoloana ny fitokonana hataon’ireo taksibe rehetra eto an-drenivohitra manomboka ny alatsinainy izao.

Fantatra anefa fa tsy raikitra indray izy io. Noho ny hetsika tsy nifarahana, hoy ny filoha lefitry ny UCTU no antony nanafoanana azy. Afa-tebiteby ny mpiasa, indrindra ireo ray aman-dreny manan-janaka hiatrika ny fanadinana BEPC manomboka amin’io andro io. Fantatra kosa fa tsy hihemotra amin’ny fanapahan-kevitra efa noraisiny ireo kaoperativa sasany sy tompona fiara izay hampakatra ny sarandalana ho 500 Ar manomboka anio sabotsy 1 septambra. Miisa 22 amin’ny 54 izy ireo no hiroso rehefa nampiomana tamin’ny peta-drindrina tany anaty taksibe. Maro amin’ireo mpandeha moa no nilaza fa tsy mahazaka io sarandalana 500 Ar io fa tsy maintsy hampiasa tongotra ihany eny anelanelany eny. Ho an’ireo tsy afa-manoatra kosa fa tsy maintsy mandeha noho ny halaviran-dalana dia angatahin’izy ireo ny hanarahan’ny tompon’andraikitra maso akaiky ny fomba fiasa, indrindra ireo mpihodina an-dalana sy mpamaly famerim-bolan’olona.

Pati