Fitateram-bahoaka

Miha lasa fahazarana ny gaboraraka

Fifamoivoizana
Zoma 23 Janoary 2026

Maraina mandra-paharivan’ny

andro amin’izao fotoana izao, raha ny fanadihadiana natao teto Antananarivo renivohitra, no miha lasa fahazarana ny gaboraraka afitsok’ireo fitateram-bahoaka na taksibe, hoy isika. Eo ny tsy fanajàna ny zotra tokony ho arahana na ny «cahier de charge», izay efa nampitaraina mpandeha maro hatramin’izay fa tsy vitan’ny amin’ny andro hariva intsony amin’izao fotoana izao no hanatanterahan’ireo mpitatitra izany fomba ratsiny izany fa na amin’ny andro maraina sy atoandro be nanahary aza. Vantany vao mahita fitohanana ireo mpamily dia mivily lalana. Ny tsy fanajàna mpandeha isan-karazany moa tsy lazaina intsony. Ny fanariana an-dalana ihany koa, indrindra, rehefa hariva ny andro. Andrasana, araka izany, ny fanaraha-maso hentitra avy amin’ireo tomponandraikitra isan-tsokajiny eo anivon’ny tontolon’ny fitaterana, indrindra, eto an-drenivohitra izay, hoy hatrany ireo fitarainana voaray.
Nangonin’i J. Mirija