Fifamoivoizana

Fihaonan’i Barea sy Bénin Safotry ny fitohanana Antananarivo

Fifamoivoizana
Zoma 03 Septambra 2021

Safotry ny fitohanan’ny fifamoivoizana omaly i Antananarivo nialohan’ny lalao nihaonan’ny ekipam-pirenena malagasin’ny baolina kitra na ny Barea sy ny ekipan’I Benin.

Notapahana moa ny lalana ho an’ny manodidina an’iny Kianja Barea etsy Mahamasina iny. Ora iray no faharetan’ny zotra anaty fiara niainga teo Analakely nihazo an’Anosy ary voatery mihodidina ity farihy ity izay hijery ny lalao na koa hihazo ireo faritra hafa toy ny any Namontana sy Akadimbahoaka. Tsy nisy toerana izay tsy nahitana fitohanana niteraka fahasorenana, indrindra, ho an’ireo nampiasa fiara. Na ny avy eo Ankadimbahoaka nihazo an’i Tsimbazaza io na ny taty amin’ny manodidina an’Analakely sy Behoririka taty, indrindra, nanomboka teny amin’ny 12 ora tolakandro teny. Tsiahivina hatrany moa fa tamin’ny 7 ora alina no nanomboka iny baolina omaly iny.
J. Mirija