Fifamoivoizana

Fifamoivoizana Mampikolay sahady ny fitohanana

Fifamoivoizana
Alakamisy 27 Aogositra 2020

Tena nampikolay ny maro sahady omaly alarobia andro voalohany niasan’ireo taxibe eto an-drenivohitra sy ny manodidina ny fitohanana. Toerana maro no nahitana izany toy ny teny Anosizato…

Mba hahafahana misoroka izany ary dia fantatra fa hijery ny lesoka ka hanara-maso akaiky izany ny polisim-pirenena. Ireo karazam-pitaovana azon’izy ireo tamin’ny fetin’ny fahaleovantena teo toy ny moto 100 isa, ny radio hifandraisana….no hampiasain’izy ireo amin’izany ka hisy mihitsy ny fametrahana brigade mobile izay hivondronana polisy mitondra moto marobe. Raha misy lalana ahitana fitohanana araka izany dia miezaka mitaingina moto mijery izay tena fototry ny olana ny polisy iray, asa hatao ao anatin’ny fotoana fohy. Ankoatra izay dia hampitomboina ihany koa ny polisy miasa amin’ny toerana misy fitohanana raha tsy latsa-danja amin’izany ny fanatevenana ny fiaraha-miasa amin’ny kaominina amin’ny fanalana ireo mpivarotra amoron-dalana.

Pati