Fifamoivoizana

Fifamoivoizana Ho tapaka ny lalana eny Analakely anio

Fifamoivoizana
Talata 17 Novambra 2020

Tapaka ny fifamoivoizan`ny fiara rehetra tsy an-kanavaka amin`ny lalana Andrianampoinimerina, manomboka eo amin`ny tranombarotra Samcova ka hatreo amin`ny fihaonany amin`ny lalana Radama I,

sy amin`ny lalana Andriamasinavalona manomboka amin` ny fidirana eo amin`ny Parvis an’ny lapan’ny Tanàna Analakely ka hatreo amin`ny Shotrpite anio manomboka amin`ny roa ora tolakandro ka mandram-pahatapitry ny hetsika fampitàna mivantana ny lalao baolina kitra ifanandrinan` ny Barean`i Madagasikara sy ny Elefantan` i Cote d`Ivoire. Torak`izany koa ireo lalana James Andrianisa Analakely, manomboka eo amin`ny fihaonany amin`ny lalana Mbizo Analakely Ambatomena ka hatreo amin`ny fihaonany amin`ny lalana Rabeazavana Analakely; lalana Radama I manomboka eo amin`ny fihaonany amin`ny Araben`ny fahaleovantena ka hatreo amin`ny fihaonany amin`ny Rabeazavana Analakely; Araben`ny fahaleovantena manomboka eo amin`ny IFM ka hatreo amin`ny SARAFI; lalana Andrianampoinimerina, manomboka eo amin`ny tranombarotra NAZA ka hatreo amin`ny SAMCOVA, dia ho tapaka ny fifamoivoizana manomboka amin`ny 3 ora tolakandro araka ny naoty lah. 1102-CUA/M/AM/DUDTMU/2020 navoakan`ny Kaominina Antananrivo Renivohitra.

Marigny A.