Fifamoivoizana

Fifamoivoizana amin’ny RN 2 Hadihadiana lalina ny momba ireo mpandeha

Fifamoivoizana
Alatsinainy 31 Aogositra 2020

Mila mitondra dika mitovin’ny karapanondrom-pireneny ireo olompirenena mikasa hihazo iny lalam-pirenena faharoa iny, raha toa ka efa ampy taona,

hoy ny avy eo anivon’ny sampan-draharaha miadidy ny fitaterana an-tanety eto Madagasikara. Ilaina ihany koa ny manao famandrian-toerana amin’ny alalan’ny finday hamantarana mialoha ny taksy borosy hisy ireo mpanjifa. Misy moa ny fampahafantarana ny mombamomba ireo koperativam-pitaterana mampifandray ny faritra Analamanga sy Atsinanana ao amin’ny tambazotran-tseraseran’ity sampan-draharaha ity. Ireo fanadihadiana lalina ny momba ireo mpandeha ireo, araka izany, no isan’ny fepetra noraisin’ny ATT mba ho fahamailoana hatrany ao anatin’izao mbola vanim-potoanan’ny fahamehana ara-pahasalamana izao, raha ny fanazavana.

J. Mirija