FIARABE NIVADIKA

3 lahy indray maty tao Tsiroanomandidy

Fifamoivoizana
Alatsinainy 15 Jolay 2024

Hamoizana ain’olona sy hahasimban-javatra matetika ny lalana any amin’ireo kaominina

ambanivohitra mandrafitra ny distrikan’i Tsiroanomandidy vokatry ny haratsiany sy ny fanafihan-dahalo. Fiara vaventy iray no fantatra fa tra-doza tao Ampasika, Fokontany Ambatofotsy, kaomiina Mahatazana ny Alakamisy lasa teo. Lehilahy miisa 03 no voalaza fa namoy ny ainy ka anisan’ireo ny mpanampy ilay mpamily sy ireo mpibata entana miisa 2. Avy nividy vokatra izy ireo ka nikasa hody tany Imerintsiatosika raha ny loharanom-baovao azo. Rehefa tonga teo amin'ny vavaranokely, teo amin'ny 2 kilaometatra miala an'Ampasika anefa dia, nivadika ambony ambany ny fiara, raha vary akotry 7 taonina kosa no tao anatiny. Vao 20 taona monja, 26 ary 35 taona monja moa izy telolahy namoy ny ainy ireo ary efa nalevina tamin’ny faran’ny herinandro teo avokoa. Tsy naninona kosa ilay mpamily saingy tratry ny tebitebin-tsaina sy alahelo noho ny olana nosedrainy sy ireo namany maty. Nangonin’i Pati
Legende : Nivadika ambony ambany tahaka izao ilay fiara vaventy !
SARY INDRANA