Fiara nifaoka mpianatra teny Tsarasaotra

Voaporofo fa mamo ilay mpamily

Fifamoivoizana
Alarobia 03 Desambra 2025

Voamarina tanteraka taorian’ny

fanadihadiana natao fa mamo ilay mpamily nifaoka mpianatra teny Tsarasaotra afak'omaly Alatsinainy 01 Desambra hariva. Mpianatra 5 mianadahy no naratra rehefa niampita ny arabe raha tsiahivina, tokony ho tamin'ny 05 ora hariva tany ho any, ora firavan'ny mpianatra. Nalefa haingana teny amin'ny hoputalim-panjakana HJRA Ampefiloha moa ireo ankizy naratra ireo ary efa samy nahazo ny fitsaboana sahaza azy avy. Notanana sy notazonina hatao fanadihadiana kosa ilay mpamily. Tsiahivina moa fa ny 80%-n'ny lozam-pifamoivoizana eto amintsika dia vokatry ny olana ara-teknika mety mahazo ilay fiara. Avy amin'ilay mpamily kosa ny 20% toy ny fandehanana mafy sy fandraisana zava-pisotro mahamamo eo am-pamiliana tahaka izao. Olona 10 isan'andro no mamoy ny ainy eto amintsika vokatry ny lozam-pifamoivoizana.
Pati
Légende : Tahaka izao no fisehon'ny loza !