Fifamoivoizana

Fiara mibahan-dalana Bataina avy hatrany

Fifamoivoizana
Zoma 06 Novambra 2020

Mitombo isa hatrany ireo fiara maty sy simba mijanona eny amin’ny sisin-dalana eto amintsika.

Ny eto an-drenivohitra no tena ahitana izany, antony nanaovan’ny kaominina Antananarivo renivohitra amin’ny alalan’ny “Direction de transport et mobilité urbaine”, hetsika niaraka tamin’ny Vigie, nanampy ireo kamiao ventouse nanala ny fiara. Teny amin’ny 67 ha ampitan’ny Cenam no nisantaran’izy ireo izany hetsika izay manana tanjona hiady amin’ny fitohanana lavareny ihany koa. Nisy tamin’ireo fiara efa nijanona ela teny an-toerana araka izany no nopetahina ireny vy tsy hahafahany mihetsika ireny ankoatra ireo voatery nobataina. Tafiditra ao anatin’ny ezaka ho famerenana ny fitsipika mifehy ny tananan’Antananarivo moa izao hetsika izao no sady hisorohana ny mety hisian’ny fanelingelenana ny fifamoivoizana ihany koa. Mbola hitohy amin’ny faritra maro ny hetsika.

Pati