Fifamoivoizana

Fiara be fikafika Sady nitondra olona no nitondra taolam-balo havadika

Fifamoivoizana
Alakamisy 25 Aogositra 2022

Kamiao iray tsy tokony hitondrana olona mihoatra ny 3 sy entana no nitondra olona 26 omaly tany amin’iny Faritra Vakinankaratra iny ka voatery nandraisana fepetra.

Raha araka ny fantatra mantsy dia zaza amam-behivavy ny ankamaroan’ireo olona tao anatiny no sady nitondra razana havadika. Nambaran’ny zandarimariam-pirenena ao amin’ny Faritra Vakinankaratra fa indray mipi-maso monja no mety hisian'ny loza. Ny fiara mitondra mpamadika indray no sanatria hivadika, hoy izy ireo. Tsy natao hitondra olona mantsy ny kamiao benne hoy hatrany ny fanazavan’izy ireo. Nasaina nitady fiara mifanaraka amin'ny fitaterana azy moa izy ireo. Rehefa olona no mandeha hoy hatrany ny zandarimariam-pirenena dia fiara fitateran’olona no mitondra azy fa tsy fitateran’entana. Marihina moa fa zaza amam-behivavy avokoa no tao anatin’ity kamiao mpitatitra entana ity.
Nangonin’i Pati
Legende : Ity ilay kamiao tratra nitondra olona nefa fitateran’entana