Fifamoivoizana

Fiara 4x4 nandona moto Nateriny teny amin’ny hopitaly ilay naratra dia nitsoaka izy

Fifamoivoizana
Zoma 26 Aogositra 2022

Mpirahalahy nandeha moto andeha hamonjy famadihana tany Behenjy no nodomina fiara 4x4 Isuzu iray mitondra ny laharana 4569 TBA ,

raha ny fampitam-baovaon’ny lasibatr’izany omaly. Tapaka vokatr’izany ny tongotr’ilay tovolahy tao aoriana. Tsy naninona kosa ny rahalahiny na “cousin” moa izany no marimarina kokoa. Nijanona ilay fiara ary nitondra azy ireo tany amin’ny hopitaly CHU-JRA etsy Ampefiloha rehefa avy naka ny dadan’ilay lasibatra teo Ambatofotsy. Niodina anefa ilay fiara rehefa avy nanatitra azy ireo teny amin’ny hopitaly. Manambady ary manan-janaka 2 mianadahy ity lasibatra ity ka miantso ny tomponandraikitra mba hijery ny toe-draharaha, araka izany, izy ireo, raha ny fampitam-baovao voaray hatrany.
J. Mirija
Legende: Ilay raim-pianakaviana lasibatra