Fifamoivoizana

Fiangonana manamboara vatsy Hankalaza ny fahafolo taona niorenany

Fifamoivoizana
Alarobia 19 Septambra 2018

Feno folo taona sahady ny fiangonana “Manamboara Vatsy”. Fotoan-dehibe no entin’izy ireo hanamarihana ny hetsika ny sabotsy 29 sy ny alahady 30 septambra ho avy izao eny amin’ny kianja

mitafon’Ankorondrano. Mandritra ny hetsika no hanatanterahana ny fihaonamben’ireo mpino ao anatin’ny fiangonana avy amin’ny lafivalon’ny Nosy sy fanosorana « Révérend », Mpitandrina sy Loholona ary fanokanana Mpiandry, Diakona, Misionera. Raha tsiahivina ny tantaran’ny fiangonana dia ny 5 aogositra 2008 no nananganana azy tao sabotsy Namehana. Ny evanjelistra Maminirina Rolland Guy mivady niampy mpikambana miisa 33 no angady nananana izany. Taorian’izay dia tafatsangana ihany koa ny fiangonana tao Ambahona, Kaominina Vilihazo. Nisy ny fananganana sekoly fampiofanana ho mpitandrina sy misionera hahafahana manitatra be be kokoa ny fiangonana. Nanatontosa fandaharana tany anaty onjam-peo tsy miankina ihany koa izy ireo ka dia efa madiva hanenika ny Nosy ny fiangonana Manamboara Vatsy amin’izao. Antony nisafidianana ny anarana « Manamboara Vatsy » ny fahafantarana fa rehefa hiomana handeha lavitra ny olona iray dia mamehy vatsy, araka ny tenin’Andriamanitra voasoratra ao amin’ny Asan’ny Apostoly 22 : 21.

Pati