FIANDOHAN’NY VOLANA DESAMBRA

Manomboka sahady ny fitohanana etsy sy eroa

Fifamoivoizana
Alarobia 04 Desambra 2024

Manomboka sahady ny fitohanana etsy sy eroa amin’izao fiandohan’ny volana Desambra izao.

Ny eto an-drenivohitra no tena mampitaraina ny maro toy ny eny Andraharo mivoaka an’Analakely, ny eny Antanimena miazo an’Ankorondrano, ny eo amin’ny 67 ha mivoaka an’ny Vassacos…Mahatratra ora iray ny fotoana lany amin’ny lalana natao 15 minitra teo aloha hany ka midina mandeha an-tongotra ireo mpandeha tena maika. Raha araka ny fanazavan’ny mpamily iray dia santatry ny fitohanana mandritra ny fankalazana ny Fetin’ny Noely sy ny faran’ny taona sahady izao hiainana izao. Manomboka amin’io herinandro io mantsy dia vao mainka hangotraka izany mandrapahavitan’ny fankalazana ny fetin’ny Noely amin’ny datin’ny 25 Desambra ho avy izao. Tsy misy afa-tsy ny fifohazana maraina arahin’ny fandehanana dia an-tongotra araka izany no vahaolana ho an’ireo maika hamonjy asa na fianarana.
Pati
Legende : Tahaka izao sahady ny fitohanana eto an-drenivohitra !