Fifamoivoizana

Fasan'ny Karana Niverina nitokona indray ireo mpivarotra

Fifamoivoizana
Alatsinainy 19 Martsa 2018

Niverina nitokona indray ireo mpivarotra etsy amin'ny Fasan'ny Karana ny sabotsy teo.

Antony dia tsy misy mahazo mandeha mivarotra eny amin'ilay tobim-piantsonana vaovao eny Ambohimanambola ihany koa izy ireo nefa manenjika ny volan'ny banky avokoa ny ankamaroany. An'arivony izahay no mivelona eto amin'ny Fasan'ny Karana miaraka amin'ireo mpanera izay samy ho very asa avokoa afaka fotoana fohy satria tsy misy afaka hanao na inona na inona intsony. Anisan'ireo nandoa ilay vola 15.000 Ar nanamboarana karatra teo anivon'ny kaominina Antananarivo renivohitra amin'ny maha mpiasa ara-dalàna azy ireo anefa izy ireo. Tsy hanaiky ireo mpivarotra ireo fa tsy maintsy hivarotra hatrany koa andrasana ny mety ho tohin'ny raharaha. Ho an'ny tobim-piantsonana vaovao etsyAndohatapenaka manokana dia fantatra fa efa misy mpivarotra mandehandeha tafiditra ihany ao amin'ity toerana ity ankehitriny saingy eny ivelan'ireo faritra misy ny fiara. Ho an'ireo mpivarotra tena mahazo toerana ao anatiny kosa indray dia iray ihany hatreto no efa milamina ary iray hafa ihany koa nanangana chapiteau eo ivelany.

Pati