Fifamoivoizana

Faritra Analamanga 25km ny lalana vita hatramin’ny omaly

Fifamoivoizana
Zoma 28 Oktobra 2022

Hatramin'ny omaly dia 25km ny lalana vitan'ny faritra Analamanga ary mbola mitohy hatrany izany, hoy ny fampitam-baovao voaray avy eo anivon’ity fiadidiam-paritra ity.

Ho fanohizana ny lalana “pavé" na rarivato nataon'ny faritra Analamanga tamin'ny taona lasa tao amin'ny kaominina Ambatolampy Tsimahafotsy dia notohizany izany tamin'ity taona ity, hoy hatrany ny fampitam-baovao. Ny lalana makany amin'ny biraon'ny kaominina ao amin'ny renivohitry ny kaominina no nanohizana izany. Ny faritra Analamanga dia miezaka hatrany amin'ireo asa izay ataony ny hampanara-penitra izany amin'ny kalitaon’ny asa. Etoana dia maneho ny fialan-tsiny ho an'ny mpampiasa lalana noho ny mety ho fenelingelenana, hoy hatrany ny fampitam-baovao.
J. Mirija