Fifamoivoizana

Fandaminam-piantsonana eto Antananarivo Miha manara-dalàna ny mponina

Fifamoivoizana
Zoma 09 Martsa 2018

Ny volana febroary 2016 no nanomboka nitantana ny fiantsonan’ireo fiara eto an-drenivohitra ny orinasa Easy park. Nifanarahana tamin’ny kaominin’Antananarivo (CUA) tamin’izany ny hampiasa teknolojia izay mbola vitsy eto Afrika ny mampiasa azy dia ny « Horodateur ».

Hita nanomboka teo ny fiantraikany teo amin’ny fandriampahalemana, ny fifamoivoizana, ny tontolo iainana, hoy ny tompon’andraikitry ny serasera eo anivon’ity orinasa ity, Tiana Rasamimanantsoa. Amin’izao fotoana moa dia efa mora ny fandoavana ny saram-piantsonana amin’ny alalan’ny finday. Maherin’ ny 70% ny fanarahan-dalàna efa hita eny amin’ireo toerana miisa 2500 eo tantaninay, hoy ny fanazavana. Paikady nahomby indrindra ny fanentanana saingy tsy vitanay irery izany, hoy izy, raha tsy miara-mientana sy resy lahatra ny olompirenena rehetra fa ny fanarahan-dalàna no mahatafita. Fomba tsotra ny takiana dia ny hoe ny toeram-piantsonana miloko fotsy no natao ho an’ny rehetra ary apetraka mazava eo amin’ny fitaratry ny fiara ny taratasy misy ny fetram-piantsonana.

J. Mirija