Fandaharana

Arolozan’ny fifamoivoizana

Fifamoivoizana
Alarobia 24 Janoary 2024

Maro no mitaky ny famerenana azy Manoloana ny firongatry ny lozam-pifamoivoizana

eto Madagasikara dia maro amin’ireo mpanara-baovao ankehitriny no manoson-kevitra na mitaky mihitsy famerenana ny fandaharana Arolozan’ny fifamoivoizana na ALF. Fandaharana efa hatrany amin’ny taona 1990 tany izy io no tao amin’ny fahitalavim-pirenena na TVM. Sarimiaina fampahafantarana ny tokony atao rehefa mifamoivoy eny an’arabe eny na ho an’ny mpandeha tongotra io na ho an’ireo mampiasa fitaovam-pifamoivoizana. Ny 6 desambra 2023 no nampahafantatra farany ny minisiteran’ny fitaterana sy ny fampahafantarana ny toetry ny andro fa miverina indray ity fandaharana ity na eo anivon’ny televizionina nasionaly izany na eo anivon’ny pejy Facebook-n’ny minisitera saingy tsy fantatra mazava hoe isaky ny amin’ny firy ora na isaky ny inona? Najanona sahady ve ny tetikasa? Tena tsy misy fahafahana mamerina izany intsony tokoa ve, indrindra, amin’izao andron’ny fivoaran’ny tekinolojia izao? Tamin’izany fotoana aza nahavita tahaka ireny ka mainka moa fa 34 na 35 taona mahery aty aoriana?
J. Mirija