Fifamoivoizana

Fanatsarana ny asa fitaterana Vonona hifampiraharaha amin’ny CUA ny UCTU

Fifamoivoizana
Alarobia 08 Novambra 2017

Nivoaka tamin’ny fahanginana ny fivondronan’ny mpitatitra eto Antananarivo Renivohitra na ny UCTU omaly.

Vonona hanatsara ny asa fitateram-bahoaka sahaniny izy ireo manomboka izao izay hifantoka amin’ny asa fanadiovana sy ny asa sosialy. Lohalaharana amin’izany ny fanatsarana sy ny fikarakarana ny fiara ao anatin’ireo koperativa mpikambana rehetra ho fiarovana ny ain’ny mpandeha, vinavina nokasain’ny kaominina Antananarivo Renivohitra (CUA) hampiharina amin’ireo fiarakaretsaka eto an-drenivohitra. Ankoatra izay dia hiroso amin’ny fiarovana ny fidiram-bolan’izy ireo ihany koa ny mpikambana ka hametraka ilay antsoina hoe : “Securité des capitaux et d’investissement”. Olana mantsy raha handany volabe izy ireo nefa hanafatra fiara raitra sy marobe tampoka avy any ivelany mba hanaovana taksibe ny fitondram-panjakana.Roa volana no naharetan’ny fifampiresahana ary manaiky ny UCTU fa atao eny amin’ny OMAVET ny “visite technique” izay iantsorohan’ny “Direction générale de la securité routière” eo anivon’ny minisiteran’ny fitaterana raha toa ka anjaran’ny kaominina koa ny miandraikitra ny “visite de conformité”.Mbola hisy ihany moa ny fihaonana eo amin’ny mpitatitra avy ao amin’ny UCTU sy ny tompon’andraikitry ny CUA mba handrindrana ny asa atao.

Pati