Fifamoivoizana

Fanarenana ny Air Madagascar Atao ao anatin’ny 3 taona

Fifamoivoizana
Sabotsy 02 Desambra 2017

Indray andro monja taorian’ny nandanian’ny filankevi-pitantanan’ny Air Madagasikara azy ho filohan’izy ireo tamin’ny latsabato natao ny alakamisy 30 novambra teo ka nahazoany vato 7 tamin’ny mpifidy niisa 7

dia efa namory ny fianakaviamben’ny mpiasan’ny Air Madagascar niaraka tamin’ny mpiara miombon’antoka, ny Air Austral teny amin’ny centre “CDL” teny Mandrosoa Ivato Atoa Eric Kholer nanolorany tamin’izy ireo ny Business Plan na ny drafi-pandaminana ankapobeny hoenti-manarina an’ity orinasam-pitaterana ana habakabaka Malagasy ity. Nambarany fa misy foto-kevitra miisa 7 ao anatiny ka ao anatin’ny 3 taona ny fanarenana atao, miainga amin’ny teboka miiba mankany amin’ny teboka aotra na zero. Tokony hiray hina amin’ny ankapobeny hahatanteraka izany ary nomarihany fa tsy hisy ny fanesorana mpiasa . Mbola an’ny Firenena Malagasy ny petrabola be indrindra ao amin’ity orinasa ity izay mahatratra 51 % raha 49 % kosa ny an’ny Air Austral.

Ntsoavina Evariste