Fifamoivoizana

Fanarahana lamina Mila hamafisina ny fanabeazana ny olom-pirenena

Fifamoivoizana
Talata 05 Mey 2020

Hihamafy ny fanaraha-maso ny olona tsy manao aro vava amin'ity herinandro ity ka izay tratra tsy manao izany dia voasazy hanao asa fanadiovana tapakandro manontolo.

Mbola maro anefa no minia tsy manaja ireo fepetra noraisina. Inona loatra ny mahazo ny Malagasy ankehitriny ka nahatonga izao fisainana sy toe-tsaina misy ankehitriny izao? Ny ankamaroan` ny Malagasy dia tsy mahalala ny tsara sy ny ratsy intsony. Tsy hita intsony ny fifanajana ny an-tanan-tohatra eo amin’ny fiaraha-monina. Tsy misy intsony ny lalàna mifehy ny fiaraha-monina. Amin` izao ary moa ny ankizy indray no mibaiko ny ray aman-dreny ary manjaka ao an-tokantrano. Tsy misy intsony ny fifanajana ary very tanteraka ny soatoavina. Matoa mahavita izany ireo zandry, zanaka ireo, tsy ampy ny fanabeazana nomena azy. Izany no maha zava-dehibe ny fanabeazana olom-pirenena na eny amin` ny fiarahamonina na koa any an-tsekoly (education civique). Natao ambin-javatra ny mahakasika ny fahendrena sy ny fanabeazana ho olom-banona sy olo- manga ary ny soa rehetra. Tsy afa-bela amin` izany ny mpitondra fanjakana isan` ambaratongany. Mila manokana izany ny distrika, ny kaominina, ny fokontany. Ho sarotra ny fanarahana toromarika raha dieny izao tsy voataiza ny taranaka. Avy any ambony rahateo foana ny ohatra eo amin` ny fiainana.

Marigny A.