Fanapahan-dalana sy «podium»

Hotakonana amin’ny kifetifety indray aloha ny olam-bahoaka

Fifamoivoizana
Zoma 20 Jona 2025

Raikitra ny fanapahan-dalana nanomboka omaly ho an’ny eto Antananarivo renivohitra

ho fanamarihana ny 26 jona na ny faha 65 taonan’ny fiverenan’ny fahaleovantenan’i Madagasikara. Araka ny fampahafantaran’ny teo anivon’ny fiadidian’ny kaominin’Antananarivo renivohitra moa dia noho ny hetsika ara-koltoraly na «podium» eo Analakely, manoloana ny banky BOA, no antony ka tapaka ho an’ny fifamoivoizan’ny fiara rehetra ny «Lalana araben’ny fahaleovantena»; «Tana confort» - «BOA Analakely» nanomboka omaly 19 jona 2025 ka hatramin’ny 24 jona 2025. Isaky ny amin’ny 4 ora tolakandro no fanombohan’izany fanapahana izany, raha ny fampahatsiahivana hatrany. Ho adinoina vetivety amin’ny kifetifety indray aloha izany ny olam-bahoaka.
J. Mirija