Fifamoivoizana

Fanamboarana tsy hita popoka Efa very fanantenana ireo mpampiasa lalana eny 67 ha

Fifamoivoizana
Zoma 25 Febroary 2022

Azo lazaina ho efa very fanantenana ireo mpampiasa ny lalana eny 67 ha, raha ny mikasika ny fanamboarana ity lalana isan’ny be mpampiasa indrindra eto Antananarivo ity no asian-teny.

Novazivaziana ho novain’ireo mponina ho lalana Ambilobe-Vohemar moa ny ampahan-dalana iray eny an-toerana, raha ny hita ny 22 febroary teo. “Tompo o! Mba amboary ny lalana eny 67 ha fa efa tsy azo lazaina ho lalana intsony.”, hoy koa ny antso iray tao anaty tambazotran-tserasera tao ny ampitson’iny. Antso toa vazivazy zaritenany nefa toy ny midika ihany koa hoe tsy hantenaina hanamboatra izany intsony ny fitondram-panjakana. Andrasana ny fahatongavan-tsainan’ireo tomponandraikitra isan-tsokajiny fa dia tena mampijaly ireo fitaovam-pitaterana aloha ilay izy.
J. Mirija