Fifamoivoizana

Fanadihadiana ny loza an-dranomasina eto Madagasikara Hampanarahana ny fenitra iraisam-pirenena

Fifamoivoizana
Talata 08 Aogositra 2017

Nanomboka omaly ary tsy hitsahatra ny hanao atrikasa hijerena izay hahafahana manatsara ny lalàna mifehy ny fanadihadiana ireo loza an-dranomasina eto amintsika etsy amin’ny DLC Anosy hatramin’ny 18 aogositra

izao ireo misehatra amin’izany manerana ny nosy. Tonga eto an-toerana moa amin’izao fotoana izao ny solontena avy eo anivon’ny OMI na ilay rafitra iraisam-pirenena misahana ny ranomasina hiara-hidinika ny momba izany hahafahana mampifandrindra ny lalàna mikasika izay fanadihadiana amin’ny loza an-dranomasina eto amintsika izay amin’ny fenitra iraisam-pirenena. An’arivony latsaka kely, raha ny fanazavan’ny tale jeneraly lefitry ny APMF na ny rafitra misahana ny resaka ranomasina eto amintsika, Ahmad Joseph, ireo sambo mihaodihaody eto amintsika isan-taona ary misehatra amin’ny lafiny ara-barotra avokoa ny 98%ny. Loza niisa 55 kosa no nitranga tao anatin’ny 10 taona farany ary 218 ireo olona maty sy tsy hita popoka vokatr’izany.

J. Mirija