Fifamoivoizana

Fampihenana ny lozam-pifamoivozana Hisy ny diabe am-pilaminana anio

Fifamoivoizana
Sabotsy 29 Septambra 2018

Misy ny hetsika izay karakarain’ny media project mitondra ny lohateny hoe “aok’izay ny loza” (stop accident) atao anio sabotsy 29 septambra manomboka amin’ny 9ora maraina hiainga etsy amin’ny Parvis lapan’ny fanatanjahan-tena Mahamasina.

Fiara, moto, bisikileta eny hatramin’ny sarety sy posy na anatin’ny fikambanana sy koperativa na tsia na koperativa no entanin’izy ireo amin’izany. Hanao dia be am-pahanginana hiala eo Mahamasina izy ireo ka handalo Analakely sy Behoririka, hihazo an’Ankorondrano sy ny Marais Masay ary hiverina mankany Ankazomanga alohan’ny itodihany hiverenany any amin’ny fiaingany. Ny antony hahanginana dia ho fahatsiarovana ireo olona namoy ny ainy sy nahazo takaitra tamin’ny lozam-pifamoivozana teto amin’ny firenena. Nanambara ny mpikarakara fa tanjona ny anehoana fa afaka ahena ny tahan’ny lozam-pifamoivozana izay tena lasa mirongatra eto Madagasikara. Hisy moa ny fizarana torolalana momba ny fepetran’ny fifamoivozana ho fisorohana hatrany ny loza.

Tsirinasolo