Fifamoivoizana

Famaranana ny taona Hikarakara zotra manokana ny Air Madagascar

Fifamoivoizana
Talata 01 Desambra 2020

Hisy ny zotra anabakabaka manokana ho karakarain’ny avy eo anivon’ny

kaompaniam-pitanterana ana habakabaka Air Madagasikara ao anatin’izao famaranana ny taona izao. Tsy andeha irery anefa ity kaompania ity, raha ny fanazavana voaray, fa hiara-kiasa amin’ireo kaompania hafa. Zotra manokana miainga ao Eoropa mihazo an’Antananarivo izy io manomboka ny 12 desambra 2020 izao ka hatramin’ny 19 janoary 2021. Anton’ny fanapahan-kevitra, raha ny fanazavana hatrany dia noho ny fanapahana teo anivon’ny governemanta Malagasy ny amin’ny fahafahana mifamezivezy noho ny antony lehibe ao anatin’izao vanim-potoanan’ny fety izao. Eo ny fodiana an-tanindrazana, famangiana fianakaviana, antony ara-kasa. Hanaraka ny fenitra anatiny sy iraisampirenena momba ny fitantanana ity krizy ara-pahasalamana nateraky ny Covid 19 ity hatrany anefa ny fepetra raisina rehetra, hoy hatrany ny fanamarihana sy fanazavana.

J. Mirija