Faharatsian’ny lalana

Tsy tafakatra ny renivohitra ny arina fandrehitra

Fifamoivoizana
Alatsinainy 21 Jolay 2025

Mikaikaika koa amin’izao fotoana izao ireo mpisehatra amin’ny

fivarotana arina fandrehitra na saribao manoloana ny faharatsian’ny lalana, raha ny fampitàm-baovao voaray ny faran’ny herinandro teo. Tsy tafakatra aty Antananarivo hatramin’izao, hoy ny mpisehatra iray, ny entanay. Antony, hoy izy, ny faharatsian’ny lalana, izay tena mampanano sarotra ny famoahana ireo entana miakatra ny renivohitra. Tsy maintsy misy fiantraikany amin’ny vidiny atolotra ny mpanjifa, noho izany, ny zava-misy satria vitsy ny tolotra nefa maro no mitady ilay saribao, noho izy hany sisa azo ihoriranana mihoatra amin’ireo fitaovana hafa azo hanamasahana sakafo. Efa manodidina ny 4 alina Ariary ankehitriny ny vidin’ny saribao 1 gony, ho an’ireo amidy eto an-drenivohitra, raha toa ka 3 alina Ariary no nanafarana izany tany amin’ny 1 volana lasa tany, raha ny fampitàm-baovaon’ireo mpisehatra na mpivarotra izany eto an-drenivohitra hatrany.
Nangonin’i J. Mirija