Fahapotehan’ireo làlam-pirenena

Mampijaly vahoaka ihany koa ny RN10

Fifamoivoizana
Alakamisy 22 Febroary 2024

Tahaka ireo làlam-pirenena maro, dia potika ihany koa ny làlam-pirenena faha-10

na ny RN10, hany ka velon-taraina ireo vahoaka miainga eo Andranovory ka hatrany Ambovombe izay mampiasa io làlana io. Vao omaly izao, dia nisy lozam-pifamoivoizana tao amin’ny kaominina Ejeda, Distrikan’Ampanihy. Nivadika vokatry ny haratsian-dàlana. Tsy nisy ny aina nafoy fa nisy kosa ny naratra, hoy ny tatitra. Tahaka ny Faritra maro manerana ny Nosy, dia miantso vonjy mba hamahana ny olana ny vahoaka, saingy antso an’efitra moa izany amin’ny ankampobeny hatreto, kanefa dia tena miantraika any am-bilany ny faharatsian-dàlana.
Toky R