Digue Ampitatafika

Lehilahy maty voadonan’ny fiara, nitsoaka ny nahavanon-doza…

Fifamoivoizana
Alakamisy 02 Mey 2024

Nisehoana lozam-pifamoivoizana nahafatesana olona teny amin’ny Digue Ampitatafika omaly hariva efa madiva ho alina

Tsy fantatra mazava izay tena endrika nisehoany fa olona efa tsy misy aina no hita satria nitsoaka ny fiara nahavanon-doza, raha ny fanazavana vonjimaika. Efa tonga teny an-toerana nijery ifotony ny zava-misy ny zandary ka mandeha ny fanadihadiana. Heloka henjehin’ny lalàna ny fitsoahana rehefa avy nanao lozam-pifamoivoizana na « délit de fuite » ka vesatra maromaro izany no miandry ny mpamily raha tratra : fanaovana lozam-pifamoivoizana, vono olona, fitsoahana,…
Nangonin’i Toky R