Fifamoivoizana

Araben’Antananarivo Feno lavaka miandry fanamboarana

Fifamoivoizana
Alarobia 09 Septambra 2020

Tsy hoe lavaka vokatry ny fahapotehan-dalana tsy nisy fikarakarana fa tena lavaka voafaritra natao ho arenina mihitsy no tsikaritra ho feno amin’ireo arabe sasantsasany eto Antananarivo ankehitriny.

Izany hoe raha tsorina dia lavaka napetraka natao ho avaozina na amboarina sy iverenana rakofana tara. Efa tsikaritra hatramin’ny herinandro io saingy ny mahagaga dia hatramin’ny omaly dia mbola nahitana izany ihany. Lalana mihazo an’Ambanidia, Marohoho, Androndra sy ny maro hafa dia saika nahitana azy ireny avokoa. Fa rahoviana ihany izany no atomboka ny fanamboarana azy ireny satria isan’ny manimba fiara sy fitaovam-pifamoivoizana maro koa io lalana tsy tomombana io ?

J. Mirija