Fifamoivoizana

Antananarivo sy ny manodidina 15 %n'ireo Taxibe sisa no miasa

Fifamoivoizana
Alakamisy 30 Aprily 2020

Ny 15 %-n’ireo mpitatitra eto Antananarivo renivohitra sy ny manodidina ihany sisa amin’izao no miasa raha araka ny fanadihadiana natao.

Ho an’ny taxi-be ao amin’ny zotra 154 manokana dia fantatra fa 25 ka hatramin’ny 30 isa sisa izy ireo no miasa noho ny fatiantoka mihoampampana izay iainan’izy ireo. Izay miasa androany tsy miasa intsony rahampitso dia tahaka izany hatrany. Raha araka ny fanazavan’ny filohan’ny koperativa Rakotomalala Jeannot dia efa vitsy ny mpandeha azo entina nefa mbola tsy maintsy manenjika ilay famendrahana ranom-panafody isan-kariva ihany koa ny fiara, ny gazoala entina amin’izany efa vola hafa koa raha mbola mandeha dia an-tongotra ihany koa ilay mpamily mamonjy fodiana amin’ny hariva. Mahatsiaro ho maharary tanteraka ireo taxi-be noho izany.

Pati