Fifamoivoizana

Antananarivo Renivohitra Namboarina ireo takelaby manoro lalana

Fifamoivoizana
Alakamisy 11 Jolay 2019

Mba hialana amin’ny fitohanana lavareny sy ho fampahafantarana ny olona sy ny mpitatitra rehetra eto Antananarivo Renivohitra amin’ny sehatry ny fifamoivoizana

dia nisy ny fametrahana takelaby famantarana samihafa na « panneaux de signalisation » izay notontosain’ny avy ao amin’ny “Direction des Transports et Mobilité Urbaine” na DTMU avy ao amin’ny kaominina Antananarivo Renivohitra (CUA) omaly. Faritra maro no nanatanterahan’izy ireo asa tamin’izany toa an’i Manjakaray, Ambodivona, 67ha Coum. Ny station JOVENA ihany koa dia nisy ny fametahana “Panneaux d’interdiction “ an’ireo fiarabe mihoatra ny 3,5 taonina. Teny Anosy Ambohidahy Rond point dia nosoloina « ny Panneaux d’interdiction » an’ny sarety, izay nisy nangalatra mba ho fampahafantarana ireo sarety mivezivezy eny an-toerana. Teny Ambohijatovo “Arrêt bus” Ankatso kosa dia nosoloina ireo “Panneaux d’Interdiction arrêt bus” izay nisy nanala. Ny anton’izao hetsika izao dia mba hialana amin’ny fitohanana sy ny fanarahan-dalàna ary fampahatsiahivana sy fampahafantarana ny olona sy ny mpitatitra maro samihafa eto Antananarivo Renivohitra, hoy ny fanazavana.

J. Mirija