Fifamoivoizana

Ankazondandy Misy lalana simba atahorana hampidi-doza

Fifamoivoizana
Alakamisy 11 Jona 2020

Lalam-pirenena faha 3, eo amin’ny manodidina ny PK45, anatin’ny kaominin’Ankazondandy,

miha simba ary hatahorana hampidi-doza ny lalana. Mbola manohy manao antsoavo amin’ireo tompon’andraikim-pahefana hatrany ireo mponina ao an-toerana ny amin’ny tokony hanamboarana faran’izay haingana ity lalana izay hita ho misy lavaka be ahiana hiitatra ity. Mamerina Mampahafantatra aho, hoy ny kandida ho ben’ny tanana tao an-toerana, Aldini Ralamboseheno, no sady manao fangatahana aminareo tompon'andraikitra ambony ao amin'ny ministeran'ny asa vaventy mba hanamboatra ity lalana ity. Ny sanatria ho fiitaran’ny fahasimbana, indrindra, ao anatin’ny fihavian’ny orana no tena mampanahy ny maro, raha ireo fanehoan-kevitra.

J. Mirija