Fifamoivoizana

Ankaramalaza Kanoty iray tafahitsoka ampovoan-drano

Fifamoivoizana
Zoma 04 Aogositra 2023

Kanoty na “canoë” iray avy any Ankaramalaza no tafahitsoka tam-povoan-drano omaly nanomboka tamin’ny 3 ora tolakandro,

raha ny fampitam-baovao voarain’ny isan’ireo mpiray dia tao anatin’izany, dia ny mpanakanto Pa’Hery. Hatramin’ny 9 ora alina teo, ora nanoratan’ity mpanakanto ity ny zava-misy niainan’izy ireo iny omaly iny, no nilazany fa tsy nisy vahaolana hita mihitsy. Miha mangatsiaka nefa ny andro. Mitombo ny fitaintainan’ireo mpandeha. Tsy misy ny sakafo kanefa dia misy zaza amam-behivavy ao anatin’ilay sambo kely. In-3 nanosika, hoy hatrany ny fampitam-baovao, saingy ny niafarany dia tafahitsoka tanaty vato, ny andro miha maizina ka dia manaitra ireo tomponandraikitra sy malala-tanana afaka hamonjy. Hatramin’ny ora nanoratanay dia mbola tsy nisy fanampim-baovao heno aloha mikasika ity toe-draharaha ity fa dia andrasana hatramin’izao izany ny fivoarany.
J. Mirija