ANDRANOVELONA-RN1

Mpitondra moto tra-doza hita faty

Fifamoivoizana
Talata 10 Jona 2025

Mpitondra moto iray no namoy ny ainy vokatry ny loza nahazo azy ny Alahady 08 Jona

lasa teo tokony ho tamin'ny 03 ora folakandro tany amin'ny RN1 Bis PK 66+900, fiolahana afaka ny tetezana ao Mandaheloka Fokontanin' Andranovelona. Efa namoy ny ainy ilay ranamana vao hitan'ny sefom-pokontany ao an-toerana ka ity farany no niantso ny zandary miasa ao Ampizarantany. Raha araka ny fantatra dia tsy tafavily ilay mpitondra moto fa nidòna tamin'ny "talus" ka niakatra tany ambadika ambony takona. Lehilahy 38 taona monina ao Tsiroanomandidy moa ity namoy ny ainy ity. Ho hentitra tanteraka moa ny zandarimariam-pirenena amin'ny fisavana ny fahazoan-dalana mamily kodiaran-droa ka ho giazana avokoa ireo tsy manana na tsy nitondra izany.Hajanona avy hatrany koa ireo voasava ka voamarina fa misy tahan'alikola mihoatry ny azo ekena eo am-pamiliana.
Pati
Légende : Misy hatrany ireo loza ateraky ny moto eto amintsika !