Fifamoivoizana

Analamahitsy Fiara 206 nivadika ambony ambany

Fifamoivoizana
Alatsinainy 19 Aogositra 2019

Nitrangana lozam-pifamoivoizana teny Analamahitsy fidinana ho any amin’ny Coliseum ny zoma alina hifoha sabotsy teo,

tokony ho tamin’ny 11 ora. Fiarakely tsara tarehy marika 206 no nivadika ambony ambany saingy tsy nisy ny aina nafoy. Olona telo no voalaza fa tao anatiny ka vehivavy ny iray. Na izany aza, nentina haingana namonjy hopitaly izy ireo. Potika tanteraka kosa ilay fiarakely. Tsiahivina fa somary nahazo vahana ny lozam-pifamoivoizana teto an-drenivohitra sy ny manodidina tato ho ato. Ankoatra ny fiarakodia dia manao ny ataony ihany koa ny môtô izay saika naharatrana olona avokoa. Toky hitandrina ihany ny tsirairay fa lahitokana ny aina.

Pati