Fifamoivoizana

Ampangambe Ambohitrimanjaka Ramatoa iray maty voahitsaky ny kamiao

Fifamoivoizana
Alakamisy 24 Martsa 2022

Nitrangana lozam-pifamoivoizana nahatsiravina omaly maraina teny Ampangabe Ambohitrimanjaka. Ramatoa iray mpaka rindra hanaovana rary manodidina ny 60 taona handeha hamonjy fodiana no maty nitsahin’ny kamiao

mpitaona biriky teo amin’ny tetezan’Andohavato. Potika tanteraka ny lohan'io ramatoa io izay fantatra fa niezaka ny niala ilay tetezana ihany saingy tsy afaka. Raha araka ny fanazavan’ireo nanatri-maso rahateo dia nandeha mafy ity kamiao iray ity. Ilay tetezana rahateo tsy misy arofanina no sady ary efa nahitan-doza matetika. Miantso ny Fitondram-panjakana mba hijery akaiky ny hanamboarana ity tetezana ity araka izany ny mponina. Efa noraisin’ny mpitandro ny filaminana an-tanana kosa ilay mpamily raha mbola hangatahin’ny mponina ihany koa ny hametrahana fepetra manokana mikasika ireo fiara mandeha mafy hisorohana ny famoizan’aina tahaka izao. Karazana zava-maniry hanamboarana tsihy moa ny rindra raha tsiahivina.
Nangonin’i Pati
Legende : Ny lohan’ity Renim-pianakaviana ity mihitsy no notetezin’ilay kamiao !