Ambasadaoron’ny Vondrona Eoropeanina

Partagé sur :
• facebook

ny volan’ny « FR » tsy mazava, kivy ny mpamatsy vola»

Nisy omaly ny tafa tamin’ny gazety nataon’ny Ambasadaoron’ny Vondrona Eoropeanina eto amintsika niresahana ireo teboka maro mikasika ny fiaraha-miasan’io Vondrona io amin’i Madagasikara. Ankoatra ny firesahany fa misy fiantraikany maneran-tany ny ady any Ukraine sy fifandonana any Gaza ka anisany iharan’izany i Madagasikara, dia nankasitrahany manokana ny fanasoniavan’ny governemanta ny faifanarahan’i Samoa izay nasolo ny fifanarahan’i Cotonou, izay lasi-pifanarahana sy fiombonan’antoka eo amin’ny Vondrona Eoropeanina sy ny Firenena aty Afrika, ny any Caraïbes ary Pacifique. Noresahana ny hisian’ny fiantraikan’ny tetikasa entin’ireo ekipan’i Eoropa izay nambara fa mifanojo amin’ny Politika ankampoben’ny Fanjakana na ny PGE. Notsipihiny manokana ihany koa ny fisian’ny tetikasa Erasmus+ ho an’ny sehatry ny fampianarana ambony, ka vatsim-pianarana eo amin’ny 550 no isan’ny nankatoavina ao anatin’ny roa taona hositrahan’ny mpianatra sy mpampianatra Malagasy. Nampafahantarina ofisialy io omaly io ihany koa moa ny « plateforme numérique » mikasika ireo tetikasa vatsian’ny Vondrona Eoropeanina eto Madagasikara. Na eo aza izany, isan’ny notsipihin’ity diplaomaty ity ny fahakivian’ny mpamatsy vola, toy ny eo amin’ny lafiny fikojakojana ny làlana amin’ny alalan’ny FER (Fonds d' entretien Routier) izay efa novain’ny fitondrana ho FR (Fonds Routier) moa, kanefa tsy vitan’i Madagasikara ny mikojakoja, tsy milamina ny fampiasana ny FR,... Manampy trotraka an’io, 5 taona dia simba ny làlana izay tokony haharitra 15 taona izay volabe an-tapitrisa dolara no atontona amin’ireny, hany ka kivy sy tsy mazoto firy intsony ny mpamatsy vola, hoy ny fanamarihany.

Nampahatsiahy fa nanara-maso ny fifidianana ny Vondrona Eoropeanina, ary nisy ny soso-kevitra sy fanintsiana momba ny fifidianana taorian’ny fifidianana 2018, saingy tsy narahina. Naneho ny tokony hametrahana amin’ny toerany ny firaisamonim-pirenena izay manana andraikitra amin’ny fampanjakana ny demokrasia. Tahaka izany ihany ny koa ny mpisintona lakolosy, izay nisy tolo-dalàna, saingy tsy noraisina.
Toky R
 

Tia Tanindrazana

Samia mijoro ho an'i Gasikara.