Fifamoivoizana

Alarobia Hikatona ny Ivon-toerana fitsaràna fiarakodia

Fifamoivoizana
Talata 30 Jolay 2019

Tsy hisokatra ny Ivon-toerana fitsaràna fiarakodia (centre de la sécurité routière) eny Alarobia noho ny asa fanamboaran-dàlana mampitohy ny « rond-point » Ivandry sy Tsasarasaotra.

Araka izany dia hikatona vonjimaika ary efa nanomboka omaly Alatsinainy 29 jolay 2019 izany mandra-pisokatry ny làlana. Nanentana ireo mpanjifa rehetra izay hitsàra fiara ny tompon’andraikitra hanatona ny ivon-toerana fitsaràna fiarakodia eny By-pass/Alasora sy Betongolo ary Ivato. Nanamafy ihany koa izy ireo ny tokony hanatsarana hatrany ny fifamoivoizana ka nanafatra ireo tompona fiara taksibe miasa eto an-drenivohitra mba hanamboatra sy hikarakara ny ao anatiny sy ivelan’ny fiara. Hisy ny fidinana tampoka hanaovana fisavàna ireo fiara mpitatitra olona rehetra handraisana fepetra hentitra hoan’ireo izay mbola minia tsy manara-dalàna.

Tsirinasolo