ADY AMIN’NY LOZAM-PIFAMOIVOIZANA

Nitohy teny Mandroseza ny fanentanana

Fifamoivoizana
Zoma 09 Febroary 2024

Niditra tamin’ny andro fahafito momba ny hetsika fanentanana sy

fampianarana ireo mpampiasa lalana ny polisy avy ao amin'ny B.A.C Tsaralalana omaly Alakamisy 08 febroary 2024 . Teny aminy faritra Mandroseza indray no nanatanterahana izany ka nampahafantarany ireo mpampiasa lalana ny momba ireo lozam-pifamoivoizana mateti-pitranga eto an-drenenivohitra. Voakasika tao anatin'izany ireo kodiaran-droa sy ny fiara mifamezivezy. Toraka izany koa ireo mpampiasa lalana na mpandeha an-tongotra. Tanjona amin'ity fanentanana ity ny fampanaran-dalana sy fampahafantarana ireo loza mety hihatra amin'ny tsy fampiharana ny lalan'ny fifamoivoizana. Raha tsiahivina tokoa mantsy dia efa antitra sy tranainy avokoa ny 35%-n’ireo fiara miasa sy mivezivezy eto amintsika ka ilana fitandremana na ho an’ny mpamily izany na ho an’ny mpandeha an-tongotra. Narahina fanentanana mikasika ny tokony hanajan'ireo mpampiasa lalana rehetra io lalan'ny fifamoivoizana io izany mba isorohana ny loza mety hiseho. Hatreto dia an-jatony no efa nanaovana fanentanana saingy ny fampiharana ny fahalalana azon’izy ireny sisa no andrasana.
Pati
Legende : Nandritra ny fanentanana natao omaly teny Mandroseza !