FONJAN’I NOSY BE

Teratany vahiny voafonja

Fandriampahalemana
Alakamisy 22 Oktobra 2026

afaka manao tik tok

Teratany bahiny iray mifonja ao amin’ny fonjan’i Nosy Be no fantatra fa manao tiktok isan'andro amin’ny finday ka manaparitaka izany eraky ny tambajotran-tserasera maro samihafa. Milaza izy fa nampita ny vaovao amin'ireo haino aman-jery maromaro any ivelany hanehoana fa manjaka ny kolikoly eto Madagasikara. Isan'ny hita ao anatin'io horonan-tsary io ny mpiambina fonja matoritory eo ambony fandriana , ireo gadra mivezivezy , ny tavoahangy nisotrosotroana sns...izay mitovy amin’ny fiainana ety ivelany mihitsy. Fanontaniana miantefa any amin’ireo tompon'andraikitry ny Fonja araka izany ny hoe : azon'ny voafonja hatao nga moa ny mitondra finday any anaty fonja ? misy fanaraha-maso ihany ve sa dia samy mandeha samy mitady ny any anatin'ireny ivon-toerana famonjana ireny ? Manao ahoana ny zava-misy any amin’ireo fonja sasany ? Mitovy amin’ny ao Nosy Be koa ve ? Andrasana ny fandraisan’andraikitr’ireo voakasika mba tsy hiitaran’ny raharaha vao hikoropaka indray.
Nangonin’i Pati
Legende : Navoakan’ity tera-tany vahiny ity ny tena zava-misy marina ao amin’ny fonjan’i Nosy be !