Fampianarana

Vola alaina amin’ny mpampianatra hanampiana ny DREN Tsy marina, hoy ny tompon’andraikitra

Fampianarana
Alakamisy 26 Aprily 2018

Velon-taraina ireo mpampianatra eny anivon’ny sekoly ambaratonga fototra sy ambaratonga faharoa teto amintsika tato ho ato fa misy vola alain’ny fitondram-panjakana amin’izy ireo isam-bolana mba hanampiana ny DREN amin’ny fampandehanan-draharaha, hono.

1. 500 Ar izany ho an’ireo mpampianatra eny anivon’ny EPP ary 3.000 Ar kosa ho an’ireo mpampianatra eny anivon’ny CEG. Rehefa nanontaniana ny teo anivon’ny DREN eto amin’ny Faritra Analamanga dia nambaran’ny tompon’andraikitra iray fa tsaho iniana aely fotsiny io hanakorontanana saim-bahoaka. Tsy marina, hoy izy satria manana trosa amin’ny fanjakana izahay. Mbola nomarihin’ity tompon’andraikitra ity ihany koa fa tsy nangataka vola tamin’ny mpampianatra izy ireo na dia indray mandeha aza. Afaka mijery ny fidiran’ny vola sy ny fovoahany eo anivon’ny DREN izay tompon’andraikitra afaka manao izany. Mikasika ny fanampiana avy amin’ny fitondram-panjakana ho an’ny DREN moa dia nomarihin’ity tompon’andraikitra ity fa tsy misy vola tonga dia milatsaka avy hatrany ihany koa fa marobe ireo dingana tsy maintsy arahina vao tonga eo am-pelatanana.

Pati